Ia ka rukom treikam jong ki bor pyniaid sorkar la bynta ka juh kumba long sha kylleng ki jylla jong ka Ri India bad la phiah bad pynbit pynbiang ia ka distrik ha ka jing ialam jong u kollektor ne u Deputi Komishnor uba don ka kyrdang ryngkat bad ka Indian Administrative Service. U Deputi Komishnor lane u DC u dei u khlieh duh jong ka synshar khaddar bad kumjuh ruh u dei u Majistret jong ka distrik bad baroh ki tnat sorkar ki lam jing mudui sha u. Shuh la phiah ia ka rukom treikam ha ki Blok bad sub dibishon ban pyniaid beit iaid ryntih ka kam synshar jong ka sorkar lyngba u DC. Ka jing synshar ka kynthup ruh ia ka jing pynbit pynbiang ia ka suk ka sain jong ki shnong bad la bynta ia kane sha ka tnat Pulit jong ka distrik ba la ialam da u Superintendent jong ki Pulit ne u SP. La iarap lang ia kine baroh da ki ophis bad ophisar bapher bapher jong ki tnat ka Sorkar.
