Ka Distrik Disaster Management Authorities ha ka jing ialam jong u Deputy Commissioner bad u Chief Executive Member jong ka Distrik Council ryngkat bad ki 5 (san) ngut ki khlieh duh jong ki ophis bapher bapher ha Distrik kum ki dkhot jong ka, la seng naka bynta ban iarap ia ki bor pyniaid ha ka liang jong ka jingpynjulor jong ka mariang kaba iadei bad ki kynja ba long kynsan ne khyllep.
Ki bynta jong ka DDMA la batai bniah ha ka Section 30 jong ka DM Act, 2005. Ka DDMA kan long kum ka nongpyniaid, nongpynbeit bad nong lamkhmat ha ka Distrik bad ban shimti ia ki jingiada na ki jaid jingpynjot jong ka mariang katkum ki kyndon jong ka NDMA bad SDMA. Kan pynbiang ruh ia ka jingpynkhreh jong ka Distrik bad peit bniah ia ki rukom pyntreikam jong ka Polisi jong ka Ri, ka jylla bad ter ter. Kan ithuh lypa ruh ia ki jaka ba ktah jur eh ki kynja jing pynjot jong ka mariang bad ki jing pynkhreh naka bynta ban iada na ki. Kan peit khmih ruh ioh don ki jingtei ne jingshna jong ki briew kiba lah ban pynjur ia ka jingjulor haba jia ki jingjia ba lanot bad ban bthah sha ki bor pyniaid ban pynbeit ne weng noh ia kum kita ki jingshna. Kan pynbit pynbiang ia ki nongpyniaid ban pyntbit ialade ha ki kam iarap bad iada na kum ki jing jia ba jur ka julor bad ban tip kumno ban ia treikam lang bad ki paidbah ba shah ktah ha ka lanot. Kan pynbiang ruh ia ka jingkyntiew jingkhein jong ki tiar ne ki mar ki mata naka bynta ban pyndonkam ha ka por ba ai jing iarap. Kan pynshlur ruh ia ka jingia snoh kti lem jong ki seng bapher bapher ha shnong ban long kiba kloi ban ai jing iarap ia kiba donkam.
Iaka Distrik Emergency Operation Center la buh bad pynbiang ha ophis jong u Deputy Commissioner bad ki phone nombar la ai lang ha ki lyngkhdop kumne harum: Annexure-1
DISTRICT EMERGENCY OPERATIONS CENTRE – Phone ha u Nombar Iarap: +918993721474
