Histori

Iaka West Khasi Hills la phiah naka Khasi Hills Distrik jong ka jylla Meghalaya ha u snem 1978 jong ka 28 tarik u Risaw. Ka long ruh kawei na ki Distrik baheh duh ha ka jylla bad naduh ba la seng ia ka la pynpra bad phiah pat sa sha ki 2(ar) tylli ki sub-dibishon bad 1(kawei ) ka distrik thymmai kaba la khot ka South West Khasi Hills.

Ha ka jing duna ka thoh ka tar ha ki por mynshuwa, la shem jynjar ban ioh ia ki jingtip kiba kyrpang bad tikna shaphang ka jing poi ki paid nongshnong ne ka jing roi jong kane ka thain. Ka “Bri U Hynniew Trep kumba ki Khasi ne ki paidbah ba shong ha kane ka jylla ki ju tip ia ki khana pateng bala shu bthah ha ki khun ki ksiew ka long ka nongrim jong jaidbynriew Khasi. La phiah ia kane ka Bri U Hynniew Trep ha ki Hima jong ki Syiem bad ki Sirdar bapher bapher kiba la jer kyrteng harum:

Sl No Kyrteng Hedkwartar
1 Nongstoin Nongstoin
2 Nongkhlaw Mairang
3 Maharam Mawkyrwat
4 Myriaw Nongkasen
5 Rambrai Rambrai
6 Mawiang Nongshillong
7 Langrin Phlangdiloin
8 Nobosohphoh Rangblang