Ka Nongkhnum Wah Dewlynnong
Ka jingkdew lyntiKa Nongkhnum Wah Dewlynnong ka dei ka wah dewlynnong kaba heh tam ha ka jylla Meghalaya bad ka wan ba ar ha ka jingeh da ia nujor bad baroh ki wah dewlynnong hapoh Asia hadien ka Majuli dewlynnong jong ka Assam. Ka don kumba 14km na Nongstoin bad kumba 63km na Mairang Sub‐Division.
Kane ka dewlynnong ka long kaba itynnad bha. Ki nongwan jngohkai pyrthei sha kane ka jaka ki lah ban pynlut por da kaba ia shong lieng, ia khwai dohkha, shongkai syaid sngi bad kiwei kiwei de. Ka long ka jaka kaba khring bha ia kiba bun ki briew namar ka long kaba kynjah bad ka pynjahthait shibun ia kiba wan jngoh kai bad khamtam eh ia kito kiba ieid ia ka mei mariang.
Ka Rynsan peit dur
Ki kjat sngi na Phanliang hajan ka wah Nongkhnum
Kaba peit na rynsan ia ka wah Nongkhnum
Ka kshaid Thum
Ka jingkieng ha Nongkhnum
Harud wah Nongkhnum
Ka jingiashonglieng ha wah Nongkhnum
Kumno ban poi :
Ka Lokpriya Gopinath Bordoloi International Airport, Guwahati ka dei ka kad lieng suin ha kaba bun ki briew kiba kwah ban wan sha ka jylla Meghalaya ki shait pyndonkam bha. Ka don kumba 153km na Nongstoin. Ka don sa kawei ka airport kaba rit ha Umroi bad ka jngai kumba 119km na Nongstoin.
Ka Guwahati Railway Station ka dei ka jaka ieng rel ha kaba bun ki briew kiba kwah wan sha ka jylla Meghalaya ki ju pyndonkam bha. Ka don kumba 153km na Nongstoin.
Ki taxi kamai lah ban ioh na Nongstoin kaba don kumba 15km na Nongkhnum Wah Dewlynnong.