Ka Map jong ka Distrik

Ka Jographi

Ka distrik West Khasi Hills ka shong ha ki bynta ba pdeng jong ka jylla Meghalaya bad ka don ha u 25 digri 10minit bad 25digri 51minit shaphang shatei jong u Latitude bad hapdeng 90 digri 44 minit bad 91 digri 49 minit mihngi jong u Longitude. Ki pud ki sam jong ka ki long shaphang shatei lam sepngi da ka Kamrup distrik jong ka jylla Assam, shaphang shatei lam mihngi da ka Ri Bhoi distrik, shaphang sepngi da ka East Garo Hills distrik, shaphang shathie lam sepngi da ka South Garo Hiils, shaphang shathie da ka South West Khasi Hills bad shaphang mihngi da ka East Khasi Hills.

Ka Suin Bneng

Ka mariang bad ka jing long ka suin bneng ka long jhieh khyndiat shaphang shatei bad shathie jong ki lum khasi. Katba shaphang pdeng bad lam shatei sepngi ka long rkhiang. Ka distrik ka ioh slap bha ha ki por pyrem na ka lyer duriaw ba wan kiew na ri thor ba ju tip kum ka South West Monsoon, hynrei ka jing phriang jong u slap ka pher na ki jaka sha ki jaka bad u slap ba ju hap barabor u long kumba 1200mm haduh 3000mm ha ka shisnem.