Ka Collectorate

Ka ophis jong u Deputi Komishnor ka la sdang treikam naduh bala seng ia ka ha u snem 1976 jong ka 28 tarik u Risaw. Ha kata ka por la pynlong ophis tang ha ka ing basa jong ka tnat GAD jong ka sorkar jylla hynrei mynta pat ka ophis kala ieng ha ka jaka lajong ka ba dap da ki dieng ki siej ba jrong bad jyrngam kaba pynitynnad bha ia ka jaka treikam. Ryngkat bad ka jingmut ban wanlam ia ka sorkar kham jan bad ki paidbah la plie ia kane ka ophis ka ba peit bad pyniaid ia bun ki jait kam kum ki jing iarap shna ing shna sem ia ki paidbah, ki kam pynbiang ki jingbam ba kongsan jong u briew, ki kam pyniaid ia ki skhim sorkar, kam kyntiew ne pynrung kyrteng, pyniaid ia ka rukom khrong khajna bad ki jing pyndon kam ia ka kyiad bad kiwei kiwei ki jingdih bad kaba kongsan eh ban jied ia ki nong mihkhmat sha ka ing thaw ain jong ka jylla.

Dur jong ka Ophis DC Nongstoin — Ka Ophis DC Nongstoin

Housing / Ophisar Housing

HOUSING:Ia ka tnat Housing la peit bad pyniaid da u Distrik Housing Ophisar ne DHO bad ka kamram jong kane ka tnat ka long ban peit bad pyniaid ia ki prokram jong ka sorkar jylla kum ka RHS, EWS, LIGP bad ter ter. Hapoh jong ka skhim pynroi ia ki kor ki bor ka thain la theid ia ka jaka ba don kumba 1.10 Akar n aka bynta ban shna ing ophis jong ki tnat sorkar bad la pyntreikam halor jong ka EWS bad LIGP naduh ki snem 1988-94.

Planning / Research Ophisar

PLANNING: Da ka jingmut ban pynsaphriang ia ka rukom phylliew jingmut jong ka Planning Commission bad ka Plan San Snem kane ka tnat ka iarap ia ka synshar khaddar lyngba u Distrik Planning Ophisar uba long u khlieh duh bad la bynrap pat da u Research Officer bad u Assistant ha kane ka bynta ban pyniaid bad peit khmih ia ki jingtreikam jong ki skhim bapher bapher jong kiwei ki tnat sorkar.

Treasury / Ophisar Treasury

TREASURY: Ki don artylli (2) ki Treasury ha ka distrik kiba peit ia ki kam pyllait pisa jong ka sorkar kiba la ai bor na ka Finance Commission. U khlieh duh jong kane ka tnat u long u Distrik Treasury Ophisar uba la jied ka sorkar na ka kyrdan MFS.Ki bill bad ki shalan bapher bapher ba hap ban siew sha ka sorkar ki hap ban iaid lyngba kane ka tnat naka bynta ban pynrung ne sei ia ka pisa sorkar. Kane ka tnat ka pyniaid ruh ia ki jingpyllait jong ka bai bam tymmen jong ki paidbah ba don ki khitab penshon bad kumjuh ruh ka pyniaid ka jing siew tulop sha ki nongtrei sorkar jong ka distrik baroh kawei.

Supply / Deputi Direktor Supply

SUPPLY: Ka tnat Supply ka long ka kawei na ki dkhot ba kongsan tam jong ka synshar distrik namar ka kamram jong ka Supply ka long ban pynbiang ia ka rukom sam paidbah ia ki rashon ha ka dor ba lah ban thied ki longing ba duk sha ki nongdie bala buh da ka sorkar. Ka tnat kala aiti haki nongkhaii kiba khot ki wholesaler bad kine kin die pat sha ki nongdie mar bam ha kylleng ki shnong kiba la khot ki Fair Price Shop.

Debelopment / ADC

DEBELOPMENT: Bun na ki bynta ba iadei bad ka synshar ia ka Distrik ki long ban kyntiew ia ka roi ka par jong ka thain bad kane ka tnat ka iarap ban peit khmih ia ka jing wan mudui jong ki nongmihkhmat ban pyllait ia ki skhim sorkar sha ki paidbah jong ki konstituwensi lajong. U khlieh duh jong kane ka tnat u long hi u DC bad la iarap ia u da ki ADC bad ki Ophisar ha Blok.

National Informatics Center / Ophisar NIC

NATIONAL INFORMATICS CENTRE: Ka National Informatics Center ka dei ka tnat jong ka ministry jong ka Electronics bad IT jong ka sorkar kmie jong ka ri bad ka pyniaid ia ki kam pynroi ha ka phang jong ka teknologi kaba pyrshang ban wanrah ia ki rukom treikam thymmai jong ka sorkar. Ka iarap shibun katdei ia ka sorkar jylla da kaba pynbiang ia ka Internet ha ki ophis sorkar ban treikam da ki kor kompiwtar kaba wan rah ia ka jing kloi, jing suk bad jing shai bad khuid ha ka rukom pyniaid kam bapher bapher. U khlieh jong kane ka tnat u long u Distrik Informatics Ophisar bad la bynrap lang bad u da u Assistant bad ki engineer ban pynbit pynbiang ia ki tiar bad ki kor teknologi..